-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)
17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)
18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)
19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)
20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)
------------------------------------
و الله العظيم افتراء .......... و كمان عندي برضة ردود على الحاجات دي ...
1- يقوللها : انتي بتحبيني قد ما بحبك ؟؟
تقولله : اكيد و اكتر منك كمان يا حبي
وفي سرها "على ما الاقي حد احسن منك "
2-معندكيش صورة احتفظ بيها لاني مقدرش استغنى عنك نفسي تكوني معايا على طول
هي : تضحك و هي عاملة مكسوفة ... اصل انا صوري بتطلع وحشة ..
"و ده لثلاث اسباب ....1- كان غيرك اشطر و يعرف يلبسني العمة (طبعا مفترضة سوء النية .. علاقة حب دي وللا خناقة ؟؟
2-هههههههه ..... هو احنا هنقضيها صور وللا ايه ؟؟؟ طالما مابتعرفش تنام الا لما تشوفني ... انجز و شيل الليلة و اتجوز لو راجل ؟؟؟(و الله الشباب غلبان .. هيعرف يتجوز ازاي و هو بيقبض 300 جنية في الشهر!!!ده خريج الجامعة !!
3-اساسا الفلاش بيبين البلاوي اللي مدارياها بالميكاب .....مش ناقصين فضايح خللينا محافظين على الواد ده لحد مانلاقي غيره و بعدين نبقى نصدمة (يعني اقول ايه ؟؟؟ كمان غش تجاري)
3 -الواد رايحلها في الفلانطين و معاه شنطة حمرا اكيد ....
بتفتح الشنطة الحمرا .... لاقيت جواه دبدوب ...الرد كالاتي:
يااااااه اجمل دبدوب في حياتي ... و اول مرة يبقى عندي دبدوب ده حتى بابا كان بيجيبلي عرايس عمره ماجابلي دباديب
(اولا هي عندها في البيت يجي 500 دبدوب ومش من باباها خللينا صرحاء ....
(ثانيا : بتقول في سرها ياما جاب الغراب
(ثالتا : الواد ده لو ماجبش حاجة دهب في الفلانطين الجاي .... يبقى تاريخ صلاحيته معايا انتهى
تحياتى داليا
((ـأهـ‘ـلأأ ومـ‘ـرٍحـ‘ـبـ‘ـا بـ‘ـكـ‘ـم فـ‘ـي مـ‘ـنـ‘ـتـ‘ـدي ))((غـ‘ـرٍـأم))(( نـ‘ـتـ‘ـمـ‘ـانـ‘ـا الـ‘ـيـ‘ـكـ‘ـم اجـ‘ـمـ‘ـل الاوٍقـ‘ـات)) 
