خير اللهم ما اجعله خير قال ايه ان احنا بقيتا فى سنة 2012 وانا معايا جريدة فنية بتاريخ 12\12\2012 وقرات فى هذه الجريدة ويا لهول ما قرات اخبار اقرب الى الخيال ولكن انا لا استبعد حدوثها على ارض الواقع وانا لا اعلم هل كان حلم ام هلوسة وتخريف ولا فعلا دى رويه وعقلى تخطى حجاب الزمن اثناء نومى وده انذار للمستقبل الاسود اللى مستنى الاغنية......... اترك هذا للزمن فهو واحده الذى سيجيب عن هذا السوال وليس 2012 عنا ببعيد
والان اترككم مع اخبار فنيه غنائية لن تقراها الا فى عام 2012
مفاجاة العام الكبرى دويتو غنائى بين هانى شاكر ومريام فارس فى اغنية ( مين حبيبة بابا)
اعلى مبيعات حتى الان 27 نسخة شريط المطربة الصاعدة بسرعة الصاروخ نونيا الشريط اسمه(مستنياك فى الشقة) ويقول مطلع هذة الاغنية الرائعة .....مستنياك فى الشقة يا عمرى اوعى تتاخر عليا مفيش حد انا قاعدة لوحدى تعالى بقى نتسالى شوية , وناسف لعدم استطاعتنا نشر باقى الاغنية حياءا واستحياءا من القارى الكريم
انجح كليب للمطربة تيتى عن اغنيتها( ينهار اسود جوزى رجع) وجائزة خاصة لفكرة الكليب المبتكرة والتى تدور اغلب احداثها فى غرفة النوم
اعتزال عمرو دياب وهجرته الى امريكا واعتزال محمد منير وهجرته الى المانيا واعتزال هشام عباس وهجرته الى السودان اما عامر منيب فقرر الهجرة الى الكاميرون
اصالة تصاب با نهيار عصبى لان شريطها الاخير لم يبع سوى ثلاث نيخ( وكمان فيهم اتنين مطروبين)
تامر حسنى وحماقى وعدويه ولؤى وهيثم شاكر يؤكدون ان الموجة الجديدة لن تستمر وان الفن الاصيل سيبقى وانهم سينتجون لانفسهم الالبومات القادمة بعد تخلى شركات الانتاج عنهم
جائزة مليون جنية من شركة تراث الفن للمواطن المصرى الوحيد الذى مازال يحتفظ بشريط كاست لايهاب توفيق
شيرين وامال ماهر وانغام وفضل شاكر ونوال الزغبى ومحمد محيى وجنات يصابون بحاله اكتئاب حاد ويفكرون جديا فى الاعتزال
الدوله تمنح شهادة تقدير لكل من روبى وهيفاء ونجلا وبوسى سمير ومروى وماريا لاصرارهم على مواصلة تقديم فن راقى بعيدا عن السوقية والعرى والابتذال
مصطفى قمر يتفرغ للتمثيل ويستعد لبطوله فيلم كارتون جديد بعنوان( هارى بوتر فى مرسى مطروح)
الاعلان عن رحلة الى المتحف الفن الفرعونى لمشاهدة البقية المتبقية من بقايا اعمال اجيال الرواد القدامى جدا على الحجار_ محمد الحلو_كاظم الساهر_ مدحت صالح _ماجدة الرومى_ لطيفة_سميرة سعيد
سعد الصغير فى تصريح خطير جدا (لن ارد على ريكو واترك الجمهور يحكم مبينا) وكان ركو صرح بانه الاحق بلقب نجم الاغنية العربية
جاد شويرى بعد عودته من اسرائيل يؤكد ان الحفلة الاخير فى تل ابيب كان انجح حفلاته وانه بصدد اصدار البومه باللغة العبرية
مصطفى كامل يؤكد انتهائة من التحضير لالبومه الجديد الذى سيصدر بعد اسبوعين بعنوان ( يوم القيامة)
القبض على مواطن مختل عقليا وهو فى حاله ذهول شديد وبكاء مستمر ولا يوجد على لسانه سوى جملة(واالله كان فيه مطرب اسمه عبد الحليم ومطربة اسمها ام كلثوم فينك يا كوكب الشرق) يا عينى الراجل بيخرف ولقد تم ايداعه مستشفى الامراض العقلية المتطورة والتى توجد بشارع نانسى عجرم فى ميدان اليسا
عايزين تعرفوا عملت ايه اول ما صحيت من الكابوس ده جريت بسرعة ولميت شرايط عمرو ومنير واصاله وسميرة وشرين ومحيى وفضل وغبتهم تحت السرير ما هو محدش ضامن ايه اللى ممكن يحصل بكرة تفتكروا يا جماعة الحاجات دى ممكن تحصل بجد ويا ترى لو حصلت فعلا هيكون مين السبب............
((ـأهـ‘ـلأأ ومـ‘ـرٍحـ‘ـبـ‘ـا بـ‘ـكـ‘ـم فـ‘ـي مـ‘ـنـ‘ـتـ‘ـدي ))((غـ‘ـرٍـأم))(( نـ‘ـتـ‘ـمـ‘ـانـ‘ـا الـ‘ـيـ‘ـكـ‘ـم اجـ‘ـمـ‘ـل الاوٍقـ‘ـات)) 
