منتديات غرام - منتديات غرام مصر -منتديات احلى غرام - دردشه كتابيه
احمد فؤاد نجم - صفحة 2 Domena10
منتديات غرام - منتديات غرام مصر -منتديات احلى غرام - دردشه كتابيه
احمد فؤاد نجم - صفحة 2 Domena10
منتديات غرام - منتديات غرام مصر -منتديات احلى غرام - دردشه كتابيه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات غرام - منتديات غرام مصر -منتديات احلى غرام - دردشه كتابيه

منتديات غرام
 
الرئيسيةالتسجيلمركز رفع الصوردخول

  ((ـأهـ‘ـلأأ ومـ‘ـرٍحـ‘ـبـ‘ـا بـ‘ـكـ‘ـم فـ‘ـي مـ‘ـنـ‘ـتـ‘ـدي ))((غـ‘ـرٍـأم))(( نـ‘ـتـ‘ـمـ‘ـانـ‘ـا الـ‘ـيـ‘ـكـ‘ـم اجـ‘ـمـ‘ـل الاوٍقـ‘ـات))      اهلا بك ايها الزائر مرحبا بك في منتدي غرام للتسجيل اضغط   هـ‘ـنـ‘ـااااا                  اخـرٍـرٍ عـضـوٍ مـسـجـل فـي المنتدي هوـا ((  Mero Mohamed   )) فمـرٍحب بــه فـي اسرتنا وتشرفنا بأنضمامو لنا         


 

 احمد فؤاد نجم

اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
احمد المخلص
غــرامي ممــيــز
غــرامي ممــيــز


عددالمساهمات : 290
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:12 am

الممنوعات
ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستياء
ممنوع من الابتسام
وكل يوم فى حبك
تزيد الممنوعات
وكل يوم باحبك
اكتر من اللى فات
حبيبتى يا سفينه
متشوقه و سجينه
مخبر فى كل عقده
عسكر فى كل مينا
يمنعنى لو أغير
عليكى أو أطير
بحضنك
أوأنام
فى حجرك الوسيع
وقلبك الربيع
اعود كما الرضيع
بحرقة الفطام
حبيبتى يا مدينه
متزوقه وحزينه
فى كل حاره حسره
وف كل قصر زينه
ممنوع من انى اصبح
بعشقك او ابات
ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم بحبك
اكتر من اللى فات
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز


عددالمساهمات : 290
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:13 am

التحالف
يعيش اهل بلدى
وبينهم مفيش
تعارف
يخلى التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبى يا خالد
بنتلم صحبه
ونهتف يعيش
يعيش اهل بلدى
يعيش النثقف على مقهى ريش
يعيش يعيش يعيش
محفلط مزفلط كتير الكلام
عديم الممارسه
عدو الزحام
بكام كلمه فاضيه
وكام اصطلاح
يفبرك حلول المشاكل قوام
يعيش المثقف
يعيش يعيش يعيش
يعيش اهل بلدى
يعيش التنابله
فى حى الزمالك
وحى الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك
اذا عزت توصف حياتهم
تقول الجياه عندنا
مش كذلك
وممكن تشوفهم فى وسط المدينه
اذا مر جنبك
أتومبيل سفينه
قفاهم عجينه
كروشهم سمينه
جلودهم بتضوى
دماغهم تخينه
سنانهم مبارد تفوت فى الجليد
ما فيش سخن بارد
بيكلوا الحديد
ما دام نهر وارد
وجاى م الصعيد
تزيد الموراد
كروشهم تزيد
وتسمع وتسلم
بأن التنابله
أو الأكلين
حيسمع كبيرهم
ويعمل مقابله
مع الفلاحين
ويحصل تحالف
ما بين الجميع
ونملا المصارف
بدم القطيع
أطيع الخليفه
وأطيع والديك
دا مفروض عليك
تزرع وتبعت لحى الزمالك
وحى الزمالك
مسالك مسالك
تحاول تفكر تهوب هنالك
تودر حياتك بلاش المهالك
لذلك
أذا حد جابلك سيرتهم
تبسمل تكبر
وتهتف كذلك
يغيش التنابله
يعيش يعيش يعيش
يعيش اهل بلدى
يعيش الغلابه
فى طى النجوع
نهارهم سحابه
وليلهم دموع
سواعد هزيله
لكن فيها حيله
تبدر تخضر جفاف الربوع
مكن شغل كايرو
ما يتعبش دايره
لا ياكل
ولا حتى يقدر يجوع
يا غلبان بلدنا
يا فلاح ياصانع
ياشحم السواقى
يا فحم المصانع
يا منتج
يا مبهج
يا آخر حلاوه
يا هادى
يا راضى
يا عاقل
يا قانع
ما تتعبش عقلك
فى شغل السياسه
وشوف انت شغلك
بهمه وحماسه
وعود عيالك فضيلة الرضا
لأن احنا طبعا
عبيد القضا
ورزقك ورزقى ورزق الكلاب
دا موضوع مؤجل ليوم الحساب
كمان الصحافه
جتكتب فى حالتك
وتنشر مناظر لخالك وحالتك
وتتطلع يامسعد عليك الغناوى
وتسمع بأسمك
فى قلب القهاوى
تحبك مشيره وبنات الجزيره
وقصة غرامك
تشيع فى الرداوى
يعيش عم مسعد
يعيش يعيش يعيش
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز


عددالمساهمات : 290
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:14 am

ورقه .. من ملف القضية
انت شيوعى
انا مصراوى
انتومصايب
انتو بلاوى
ممكن اعرف مين الأول
بيكلمنى
احنا نيابة أمن الدولة
دولة مين
دولة مصر
مصر العشه
ولآ القصر
أيوه حنبدى ندور ونلف
حاجه تنرفز خالص
اف
مالك.. شايل طاجن خالك
لم لسانك ما تخرفش
أنا ما اقصدش اهانتك طبعا
ايوه استعبط
لا ما اعرفش
ايه رأيك فى سفارة كوريا
ايه رأيك فى قضية مصر
مصر فى وحده
هى وسوريا وليبيا
ولازم ييجى النصر
ييجى منين و ازاى ولمين
آدى كلام الشيوعيين
أنا من حقى
حق فى عينك
أنا بتكلم بينى وبينك
يعنى كلام بره التحقيق
اذا كانش يسبب لك ضيق
طيب فول
مين مسؤل ؟
مين مسؤل عن ايه يا أخينا
ع اللى جرى لنا ف غزه وسينا
أنت شيوعى أكيد وطاوعنى
فض دمغك من دى قضيه
شعبنا جاهل
مهما تقول له
مش حيآمن بالشيوعيه
ما الشيوعيه فى فيتنام
ايه رأيك فيهم يا همام
مش بطال مش بطال
لكن احنا .. ورانا عيال
طب ما نحارب
لجل عيالنا
يطلعوا أسعد من اجيالنا
انت الظاهر مخك فاضى
وحتتعبنى معاك ع الفاضى
وأنا بحبت معاك بكفايه
ابقى اتفلسف عند القاضى
هى قضية ؟
لأ ملوخية
آمال فاهم ايه آمال
هى الدوله دى لعب عيال
ممكن أعرف أنا هنا ليه
أيوه حتعرف
أمال ايه
يوم خمسه وعشرين الماضى
ايه مشاك عند التحرير
تحرير ايه يا جناب القاضى
أنا مش فاضى
بكره تصير
بطل غلبه وجاوب دوغرى
أنا غلباوى كده من صغرى
كل الشيوعيين امثالك
آخر غلبه وقلة ذوق
يحصل ايه لو تمشى فى حالك
فاكر نفسك مين
ما تفوق
لو راح افوق
مش من مصلحتك
أما معجب جدا بصراحتك
أيه رأيك فى حكاية الطلبه
حاجه عظيمه بشرة خير
انت دماغك ينفع جزمه
وانت لسانك ينفع سير
أخرس قطع لسانك سافل
كتر خيرك
مخك قافل
مين وداك بقى عند الطلبه
رايح ضمن المندسين
رحت أناقشهم واسمع منهم
تسمع منهم ايه ياسى طين
دول عايزيين الدنيا تولع
علشان اصلا
مش فاهمين
هى الحرب يا عالم لعبه
دى بتتكلف بالملايين
وانت حتدفع ايه من جيبك
امال حدفع من جيب مين
انت حمار وخدوك فى مشمك
رحت هناك زى الباقيين
عاملين لجنه
وقال وطنيه
مش ممكن دول وطنيين
وجماعة انصار الثورة
وفلسطين وهباب الطين
ما نخلينا يا سيدى فى حالنا
مالناومال الفدائين
هو احنا اللى نهبنا بلدهم
دول عالم صيع فاقدين
قتلوا الراجل عند الشيرتون
واحنا اللى طلعنا القاتلين
وصفى التل ده كلب وخاين
اهو كل العالم خاينين
واحد صاحبى مراته مرافقه
وهو مرافق
ييجى عشرين
أمريكا بتزعل وبتحزن
هو احنا يا عالم ناقصين
مش نستعبر
م اللى جرالنا
ونعيش بقى زى العايشين
دى عيال عملا للشيوعيه
واحنا عدو الشيوعيين
روق دمك بس يا بيه
مين مساعدكو بفالو سنين
بيساعدونا صحيح يا سى بعجر
علشان أصلا مش فاهمين
احنا حليتنا منين نديهم
ونسددهم بالملايين
يمكن يعنى قضية مبدأ
مبدأ مين وزكايب مين
هى دى عالم تعرف مبدأ
دول بقول لك
ناس مجانين
اخترعولنا السد العالى
علشان نبقى اشتراكيين
اشتراكيه هناك فى بلدهم
واحنا فى دارنا
نعيش حريين
عايزيين الفلاح الجاهل
يتساوى بالمحترامين
وكمان قال
تحديد ملكيه
أبو ألفين
يدوه خمسين
شغل ملاحده وعالم كفره
ومخالفين احكام الدين
والعمال راخرين اسم الله
فاهمين روحهم
بنى آدميين
ناس عايزين الحرق بولعه
دا كله من الشيوعيين
نشروا لنا الأفكار السوده
أولاد الكلب الملاعين
مين وداك بقى عند الطلبه
انطق قول
اتكلم مين
هما ايه مطالبهم ؟
انت حتستجوبنى يا شاطر
لأ مش قصدى
بس أنا بسأل
كانو طالبين كراريس ومساطر
ولا مطالب ميه الميه
كل الشعب مآمن بيها
دول طالبين حرب وشعبيه
مين مجنون بقى
حيمشيها
عايزين يدوا الرتش سلاح
عشان تحصل فيها مجازر
أنا لو أشوف حلوف فلاح
شايل شومه
لازم اهاجر
لازم بينه وبينك دم
دم ف عينك
هس اتلم
ثم نحارب ليه
وبأيه
بسلاح ما يموتش بعوضه
روق دمك بس يا بيه
الحرب ضروره ومفروضه
واهو نفس سلاحنا المظلوم
فى فيتنام دابح أمريكا
دى طبيعه أرض يابتى آدم
بطلوا بقى كدب وبولوتيكا
طب ما الهند بنفس سلاحنا
فى باكستان
بعزقت الغرب
رأيك يعنى ضرورى ان احنا
وحتما يعنى نخش الحرب
طيب
حاضر
فين المخبر
حتغير رأيك
بالضرب يناير
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز


عددالمساهمات : 290
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:14 am

أغنية السلام ..


.............
بانوراما الدنيا فونية .. صندوق الدنيا عصري
الصورة من أميركا .. و الصوت من جوا مصري
لو تفهم كل قصدي .. أوهبلك نص قصري
و اكتبلك الوصية .. على جناح الحمام
و اتفرج يا سلام لم .. و اتفرج يا سلام
....
شوف عندك يا سلام لم .. و اتفرج يا سلام
هزلية مرسحية .. على تياترو السلام ( تياترو : المسرح )
سلام كلام أغاني ... و عليكم السلام
ما عاد على الغلابا عايد غير الكلام
و الحالة كل مادا يا سادة يا كرام
و اتفرج يا سلام لم .. و اتفرج يا سلام
.....
سالمة يا سلامة .. و دليلة رجعت بسلامة
مصرية و من مواليد شبرا .. من تحت نفقها و مجاريها
لو كانوا ما حرقوش الاوبرا .. كانت حتلعلع لياليها
بالغنوة المدهونة شفايف .. غرقانة و سايحة ببلاويها
سيد درويش اللي حيلتنا .. سرقوه و باعوه بيعة ندامة
سالمة يا سلامة .. و دليلة جات بالسلامة ..
....
سالمة يا سلامة .. كوكا كولا جات بالسلامة

نشروا الاعلان ... ملو الجرنان
جوا البراويز الدهبية
و التلفزيون بالصوت و اللون
كوكا كولا هي الاصلية
اشرب يا خفيف .. بطّل تخاريف
بلا طيز الطور بلا وطنية
كوكا كولا تفوق و تروق ضد الافكار الهدامة
سالمة يا سلامة .. طير بينا و رفرف يا حمامة
سالمة يا سلامة .. على مصر التانية أم علامة
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز


عددالمساهمات : 290
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:15 am

يا فلسطينية ..
........
يا فلسطينية و البندقاني رماكو ..
بالصهيونية تقتل حمامكو فِ حماكو
يا فلسطينية و أنا بدي أسافر حداكو
ناري بإيديا و إيديا تنزل معاكو
على راس الحية و تموت شريعة هولاكو
............
يا فلسطينية و الغربة طالت كفايا
و الصحرا أنّت من اللاجئين و الضحايا
و الارض حنّت للفلاحين و السِقايا
و الثورة غاية و النصر أول خطاكو
........
يا فلسطينية و الثورة هيَّ الاكيدة
بالبندقية نفرض حياتنا الجديدة
و السكة مهما طالت و بانت بعيدة
مد الخطاوي هو اللي يسعف معاكو
.........
يا فلسطينية فيتنام عليكو البشارة
بالنصر طالعة من تحت مية ألف غارة
و الشمعة والعة و الامر كان بالخسارة
راجعين حيارى عقبال ما يحصل حداكو
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز


عددالمساهمات : 290
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:15 am

بوتيكات
بوتيكات النات كوا النَّات
وشقق مفروشه وعمولات
يا حلاوه الناوه كوا الناوه
يا بلدنا يا آخر فتاكات
بوتيكات النات كوا النات
**
شبيك لبيك فتح مخط
لبيك شبيك غمض عينك
حتقفّل مخك ح نطخك
ونلوشك لو تفتح عينك
ركب قرنين تركب مازدا
وتعيش سلطان في البرواز دا
مش عاجبك فالجبنه الفازده
والعيش والفول والكرَّات
يا حلاوه الناوه كوا الناوه
يا بلدنا يا آخر فتاكات
بوتيكات النات كوا النَّات
مين فيكوا ما يعرفش عليوه
شيّال المنيا الكحيان
في ثواني اتمول واتحول
بقي مسيو عليوه عليَّان
إزاي؟
ما هي بوظه ومفتوحه
على حس ولاد المفضوحه
وأرانب صاحيه ومدبوحه
تتأستك تبيع البنوكات
يا حلاوه الناوه كوا الناوه
يا بلدنا يا آخر فتكات
بوتيكات النات كوا النَّات


  • **
    حتقول الفقرا ومشاكلهم
    دي مسائل عايزه التفانين
    وأنا رأيي نحلها رباني
    ونموّت كل الجعانين
    وبهذا ما حشد
    ح يجوع
    لو نعلن هذا المشروع
    وح نقفل هذا الموضوع
    نهائياً
    ونعيش في تبات
    يا حلاوه الناوه كوا والناوه
    يا بلدنا يا آخر فتكات
    بوتيكات النات كوا النات
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز


عددالمساهمات : 290
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:16 am

طلع الصباح
طلع الصباح كل الجمال في طلعته
والنور سرح كحل عينينا بفتنته
والطير صدح للمولى جلّت قدرته
الحان جميلة تنعش القلب الحزين
يسعد صباحكم كلكم ياشغالين
الشمس طالعة بابتسامة الاْمل
شعلة ياقوت زي الخدود وقت الخجل
بتقول يا نايم قوم بدا وقت العمل
دي الدنيا خيرها وعزّها للشقيانين
يسعد صباحكم كلكم يا شغالين
يا ولاد بلدنا من جنوبها لشرقها
يا مشمرين عن السواعد كلها
النور حضن بلادنا و ضمّها
والشمس هلّت بالامل ع الشقيانين
يسعد صباحكم كلكم يا شغالين
طلع الصباح كل الجمال في طلعته
والنور سرح كحل عينينا بفتنته
والطير صدح للمولى جلّت قدرته
الحان جميلة تنعش القلب الحزين
يسعد صباحكم كلكم يا شغالين
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز


عددالمساهمات : 290
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:16 am

المسحراتي
حبلت الايام سنين
ولدت الايام دهور
دامت الايام لمين
وحدّوا المولى الغفور
صلّي ع اللي في القيامة يشفعك
واصحى يللي نمت من اللي بيوجعك
واكشف اللي بيؤلمك و بيمنعك
وانده اللي لو ندهته يسمعك
قول يا جارة
قول يا جار
مهما طال الليل وجار
كل جرم وله مدار
و الكواكب دوارين
وحدّوه يا مؤمنين
صحّي نومك يا اسطى فكري يللي ناسي
هلّ يومك يا اسطى مرسي يللي راسي
يا حبايب مصر يا اْهلي يا ناسي
اللي يعشق بالسهر حتما يقاسي
اصحى يا نايم كفاية
وحّد الانسان معاي
طالت الليل الرحايا
والحدادي قلقانين
وحّدوه يا مؤمنين
..........
يللي صاحيين في البيوت
يللي كاشفين المكان
يللي سامعين السكوت
يللي واعيين للزمان
استعدوا للقيام
استعدوا للقيام
واقبلوا مني الكلام
مصر نايمة من سنين
وحّدوه يا مؤمنين
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز


عددالمساهمات : 290
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:17 am

بقرة حاحا
........

ناح النواح و النواحة
على بقرة حاحا النطاحة
و البقرة حلوب .. تحلب قنطار
لكن مسلوب .. من أهل الدار
و الدار بصحاب .. و حدعشر باب (11 باب )
غير السراديب .. و بحور الديب
و غيلان الدار .. واقفين بنهار
و ف يوم معلوم ... عملوها الروم
زقوا الترباس ... هِربوا الحراس
دخلوا الخواجات .. شفطوا اللبنات
و البقرة تنادي .. و تقول يا ولادي
و ولاد الشوم ... رايحين ف النوم
البقرة انقهرت .. م القهر انصهرت
وقعت بالبير .. سألوا النواطير :
طب وقعت ليه ..؟
وقعت م الخوف
و الخوف يجي ليه .. ؟
من عدم الشوف

و قعت م الجوع و م الراحة
البقرة السمرا النطاحة
ناحت مواويل النواحة
على حاحة و على بقرة حاحا
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:18 am

أوأه
هذه القصيده للمرحوم الرئيس انور السادات كلمات أحمد فؤاد نجم وغناء الشيخ امام
أوأه المجنون أبو برقوقه
عيره وبرانى وملزوقه
نصاب ومنافق ودماغه
مليانه مناطق موبوءه
والنكته كمان انه حلنجى
وعامل لى فكاكه وحندوقه
مع ان الحجش أفهم منه
والعالم فهمه ومفلوقه
بسلامته بيسرح قال بينا
يعنى احنا مواشى يا زقزوقه
داحنا العريفه الحريفه
غيرش الايام المدعوقه
شفت الولدات الشلبيه
ليلة التحرير يا أسطى فاروقه
أهو دولا ولادنا وأكبدنا
وقلوبنا عليهم مشقوقه
يا سلام يا صلاة النبى احسن
إلى حيل العلم يا مرزوقه
حلوين وحياتك يا بلدنا
يا أم الخيرات المسروقه
احنا اللى رمينا البذرايه
وروينا الارض المعزوقه
وحنحصد بكره وحنغنى
وعيون الخاين مخزوقه


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:19 am

جائزة نوبل
كلمات أحمد فؤاد نجم وكتبها بمناسبة معاهدة السلام وحصول مناحم بيجن على جائزة نوبل
شوف عندك يا سلاملم
واتفرج يا سلام
مواطن شخص عادى
مالوش اى اهتمام
ومبارك الخيانه
ومسميها السلام
وف يوم قرا الجرايد
تاريخ ما اعرفش كام
من يومها يا ضنايا
بيشقلب فى الكلام
واتفرج يا سلاملم
اتفرج يا سلام
على شقلب يا سلام
لنا محانم جيبن يادخ
زايجة لوبن
يعنى مناحم بيجن
ياخد جايزة نوبل
تبقى النوديا يعنى الدنيا
ماشيه بتحدف بالمندار
يبقى الشهر اتناشر ساعه
يبقى اليوم ليلتين ونهار
يبقى القاتل شحص ضحية
والمقتول مجرم جبار
شفتوا ازاى ؟
اما صحيح الطب اتقدم
وحنا ما وصلناش أخبار
أيوه يا لجنة لوبن بيه
قاعدة بتلجنى ايه
أنا مش فاهم حاجه صراحه
لما القاتل ياخد جايزه
كده من دون تلبيخ وأباحه
يبقى يا أما اللجنه دى بايظه
او لامؤاخذه رئيسها حمار
يبقى يا لجنه يا عره يا كوسه
جتنا وجاتكو ستين حوسه
تبفى ف هذا الزمن المايل
ياما حنجرى علينا هوايل
تبقى اللكمه بدل الكلمه
والكاتب يمسك منشار
يبقى الراعش يعنى الشاعر
يسكن شقة فى بيت ف قصيده
يكتب فول ياكل أشعار


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:21 am

مرحبا
بعد السلام والمرحبا
يا اولاد بلدنا يا طيبين
نفرش كلام المصطبة
واضح لكل السامعين
مصر الحبيبة الطيبة
أم البنية (بتشديد الياء) والبنين
ايش حالها في عز الصبا
ايش حال ولادها المخلصين
وسط العواصف مركبة (سفينة)
بين ريح شمال وريح يمين
جابوا الطبيب ابن الحلال
كشف مكان الداء وشاف وقال
أهل البصيرة في البلد
جواب لكل السائلين
قال البلد عاوزه ولد
ياخد بطار (ثأر) المظلومين
ولد يعوض اللي راح
ويعلا فوق كل الجراح
ويمد إيده في الضباب
يشد أنوار الصباح
فيكم ولد يا سامعين ؟
(يرد الكورس): أجدع ولد
طب هوه فين ؟ وهوه مين؟
كورس: ابن البلد
يا ابن البلد يا ابن البلد
الوقت وقتك يا ولد
يا قلب مصر ونبضها
كورس: يا ابن البلد يا ابن البلد
يا صبحها
كورس: يا ابن البلد
يا ربحها
كورس: يا ابن البلد
يا قمحها
كورس: يا ابن البلد
يا رمحها
كورس: يا نور سماها وأرضها
آدي كلام المصطبة يا اولاد بلدنا يا طيبين
بعد السلام والمرحبا واضح لكل السامعين


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:21 am

نويت أصلي
نويت أصلي … نويت أصلي …
نويت أصلي صرصور دخل لي
هرش لي مخي قعدت أفلي ( أي وقفت حائرا أقلب الأفكار ، أفلي من التفلية أي البحث عن القمل بالرأس)
خربوش خرابش … صرصور مهابش ( صرصور شقي ذو هبش وخربشة)
وفضلت أهابش ما حد دلي ( ظللت أكافح وأحاول دون أن يدلني أحد)
حليت رباطي من تحت باطي 0 الباط هو الإبط)
لا قدرت أطاطي ولا طلت أعلي ( لم أقدر على الوقوف أو الانحناء)
حيران يا حالي سهران ليالي
وسنين بقالي مربوط في ضلي ( كيفما تحرك ظلي تحركت معه)
وسألت قال لي شيخنا المصلي
اركع تاراته اسجد تراللي ( تاراته وتراللي نغمات موسيقية تفيد رتابة الوتيرة والتكرار)
يارب ياللي … يارب ياللي (ياللي : يا من)
زرعت عودي سارح تملي ( أقمت جسدي كنبات ينمو دوما باستقامة)
وعدلت ضهري فوق سرج مهري ( وأقمت ظهري شامخا فوق حصاني)
وطبعت زهري على خد خلي ( ومكنتني من طبع قبلتي على خد حبيبتي)
وحياة معيشتي متعب ومشقي ( أحلف بمعيشتي التي ربما كانت سبب شقاء للآخرين)
مهمن (مهما) جري لي مهمن حصل لي
لاوهب حياتي واوصل صلاتي ( لأهبن حياتي كلها في صلاة متصلة)
والآتي آتي في يوم تجلي ( وليكن ما يكون يوم تتجلى لي ذاتك العلية)


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:22 am

لا نحالف

لما نحالف لا نحالف إلا الأخيار
لما نحارب لا نحارب إلا الفجار
دارنا هنا حرة و إحنا فيها أحرار

.......................

يللي دمانا المهدورة سفكتها يداك
يللي بلادنا المحتلة إحتلتها قواك
لك عهد الله لا نسمعلك و لا نمشي وراك
و لا نذهب شرقي و غربي و لا يمين و يسار
دارنا هنا حرة و إحنا فيها أحرار

......................
يا مشرد في البرية شعب فلسطين
و دبحت الشعب العربي دبح السكين
لنخاصم لجل (لاجل) عيونك روسيا و الصين
ولا نقبل صدقة و رشوة بجنيه و دولار
دارنا هنا حرة و إحنا أصحاب الدار

.......................
يا مغرور يللي غرك إكرام الضيف
لو تعرف مين العربي في يوم الحيف
لا يحاور و لا يتكلم إلا بالسيف
لما نحالف لا نحالف إلا الاخيار
لما نحارب لا نحارب إلا الفجار


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:23 am

بيان هام
هنا شقلبان
محطة اذاعة حلاوة زمان
من القاهرة ومن كردفان
وسائر بلاد العرب واليابان
ومن فنزويلا أيضا ايران
ومن اى دار
أو بلد مستباحه
بفعل السياحه مع الأمريكان
هنا شقلبان
محطة اذاعة حلاوة زمان
نقدم اليكم بكل اللغات
مراسح وسيما وجميع الفنون
صحافه ومنابر وتلفزويونات
وخطبا ف جوامع وجبنه وزيتون
ونقزح ونركب جميع الموجات
ونبحث ونفهم فى كل الشئون
ودايما نلعلع فى كل الحالات
ولا حد سامع ولا يحزنون
وتسمع ما تسمع دا ما يهمناش
لأن احنا اصلا بناكل بلاش
فخليك فى نفسك وما تخليناش
نسلط عليك القلم واللسان
هنا شقلبان
محطة اذاعة حلاوة زمان
يسر الذاعه ولا يسركوش
بهذى المناسبه ولا بندعيكوش
نقدم اليكم شحاته المعسل
وبدون الرتوش
شبندر سماسرة بلاد العمار
معمر جراسن للعب القمار
وخارب مزارع و تاجر خضار
وعقبال أملتك أمير الجيوش
ما تقدرش تنكر
تقول ما اعرفوش
ما تقدرش ايضا تفول ما أسمعوش
شحاته المعسل حبيب القلوب
يزيل البقع ولاهموم والكروب
يأنفس يأفين يبلبع حبوب
ويفضل يهلفط ولا تفهموش
وتفهم ما تفهم دا ما يهمناش
لأن انت فاهم وعامل طناش
ح تنكر وتحلف ح اقول لك بلاش
ح تتعب دماغنا وتتعب كمان
هنا شقلبان
محطة اذاعة حلاوة زمان
لأن المخبى ظهر واستبان
وكل المسائل بدت للعيان
وطلعت حكاوى ونزلت كمان
عن التهريبه وعن كيت وكان
وعن محسوبيه وعن ألعبان ( بضم الالف)
ظهر فى المدينه كأن الطوفان
وغرق مراكب وسوح غيطان
وبعض المراكب ح تغرق كمان
وأزمة مساكن وأزمة أمان
وعالم بياكل فى عالم جعان
وريحة مؤمره فى جو المكان
مخطط خيانه مع الأمريكان
لدبح العشيره وحرق المكان
وفيه ناس بترغى ولازم بيان
كما ابلغونا جميع الودان
لهذا وذاكا وتلكم كمان
نقدم اليكم عروسه وحصان
شحاته المعسل وهذا البيان
هنا شقلبان
محطة اذاعة حلاوة زمان
بسم الله
سلام عليكم وسلمون وموز
وأما المسائل فهنجف ولوز
فيا اخوتى ويا أخوات
اليكم بيانى كما هو آت
جميع المسائل تمام التمام
وكل الكلام دا مجرد كلام
فصبرا جميلا ولا تقلقوش
وشغل الضغاين أنا ما أقبلوش
ما فيش أى حاجه
على الطلاق والعتاق بالتلاته
ما فيه اى حاجه
وقدر كمان ان فيه أى حاجه
ما لوش أى لازمه الكلام واللجاجه
وعيب ان عيل يسوق السماجه
ويعمل لى باللو ويعمل ديباجه
آنا بطبعى ضد السماسره الكبار
بحكم المنافسه وحكم الجوار
لكن مش فى طبعى
انى أعمل فضيحه
لواحد زميلى هبش كام صفيحه
ما كل الزمايل بتهبش صفايح
وكل اللى جاى مش زى اللى رايح
فيا ايها الشعب صهين تفلعص
مساء التنفس مساء الروايح
أخويا الامير بزرميط الايرانى
بعت لى السنه دى
عزمنى ودعانى وأنا قبلت طبعا
ورحنا العزومه وكانت وليمه
ما تحصلش تانى دا أيه المحمر
وأيه المكمر وايه المشمر
وايه الصوانى
وانا دماغى تعبت ولفت صراحه
من الفخفخه والهنا الاصفهانى
هناك يعنى مثلا اذا شربت طافيه
تمز بكوارع وبسطرمه ضانى
ما شفتش هناك
ناس بتحقد عليهم
ولا ناس بتشتم فلان الفلانى
لأنه اشترى عزبتين من شطارته
وحكمة ادارته وطلع مبانى
وبعد الوليمه استلمنا الهدايا
مفضض ومدهب وقز وقيشانى
وطبعا أخويا الأمير قال لى حاجه
ح اقولهالكو طبعا اذا الوقت ناسب
ح يطلع لى عيل بدون اى حاجه
ويعمل لى فلحس ويقعد يحاسب
دا حقد اشتراكى أنا ما أقبلوش
ولو هو ابنى أنا ما اعتقوش
كلام عن سماسره كلام عن دعاره
حاجات مش صحيحه جمل مستعاره
وعايزين يخلوا البلد اردغانه
وعايزنى اسيب البلد من زمان
وأنا مش ح اسلم واسيب الأمان
ولا بالبوليس والنيابه كمان
فيا ايها الشعب كمل جميلك
وصبرا واذلم حتيجى المصارى
وتاكل وتشرب تبع ما يآتيلك
وتغرق فى بحر العبيد والجوارى
وترسم حياتك حسب ما يرائيلك
ونملا الحوارى فساقى وقصارى
تسبح بحمدك وتشكر جميلك
وفضل الزباله وطفح المجارى
ختاما سلاما وآخر كلاما
ضرورا
يسود الهدوء والوئام فماذا والا
ح طربقها واللا اهرب فلوسى
واسافر قواما سلام عليكم
وسلمون وموز بصفتى رئيسا
وابا وجوز


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:23 am

دور يا كلام على كيفك دور


دور يا كلام على كيفك دور
خلي بلدنا تعوم في النور
وارمي الكلمة في بطن الضلمة
تحبل سلمة وتولد نور
يكشف عيبنا ويعيبنا
نسعى نهب نثور
دور يا كلام على كيفك دور
عم امام عنده كلام
وسواح في بلاد الناس
من شوق نوله يغزل قوله
ويغني مرفوع الراس مرفوع الراس


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:24 am

نشيد الكروان ( إلى الشعب )


دار الفلك .. في مغزلك
طول السنين ما أمهلك
يا ماسك الروح في الحياة
الحب لك و الخلد لك
أنت الازل و انت الابد
و الهالك اللي يجهلك
يا شعب يا روح الخلود
الملك لك و الخلد لك
..
الليل حلك .. و البوم سلك
و البحر عطشان منهلك
و السهم طاش
اسقس العطاش
انت الكريم و بنسألك
....
يهوذا خان .. أكم يهوذا و باع مسيح
لا يهوذا دام و لا جرح بلاد ٍ جريح
مليون يهوذا خان أمانك و إنهلك
و انت اللي باقي
عالسواقي
و منجلك
يفرش حصير القمح .. فوق دم المسيح
و انت الجريح
تيجي الاطبة و تسألك
ما أعجبك
ما أنجبك
ما أحملك
ما أنبلك
يا شعب يا نبض الوجود
الخلد لك
و الملك لك
الحكم لك .. الحكم لك


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:24 am

مقدمة أبو العلا 90
الكورس _
سافر غريب الدار
مشوار ورا مشوار
بلد الحبايب .. فين ؟
تاه السؤال واحتار
المغني _
ومشيت كتير ورأيت
ناس ع الطريق ضايعين
ورجعت تاني لقيت
ناس ع الطريق راجعين
وعملت قلبي سبيل
يهدي الحيارى
دليل
وعشقت
عشق النيل
للخضره والنوار
الكورس _
سافر غريب الدار
مشوار ورا مشوار
بلد الحبايب .. فين ؟
تاه السؤال واحتار

المغني _
يا سكه الأحلام
يا مغربه روحي
اشكيكي للأيام
ولا أشتكي روحي
علمتي قلبي يميل
للحب
والمواويل
وحلمت حلم جميل
بالجنه
ونا في النار


[وحدهم المديرون لديهم صلاحيات معاينة هذه الصورة]


عدل سابقا من قبل احمد المخلص في الجمعة 10 أغسطس 2012, 7:31 am عدل 1 مرات
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:26 am

الإضراب
باسم الإله الشعب
رب المضربين
الصايم
المحروم على مر السنين
يا منشدين الحي
حيوا حينا
واحنا هنا
ع العهد دايما مخلصين
محلا القصايد
في الشدايد .. والغنا
محلا الكلام الحب
أوقات الشقا
احنا اللي تهنا ع الطريق
من بغضنا
متفرقين
والسجن هوا الملتقي !
آه يا رفاقه
من متاهات الطريق
لما الليالي
بيتخنق فيها القمر
يمشي الصديق
في الضلمه
يخبط في الصديق
والسكه بنت الخطوتين
تاخد سنه !

إحنا النهارده فين
وكام
وبكره كام
وبعده فين ؟
في كل يوم بنزور مكان
وكل يوم
بنزيد عدد
وكل يوم
نفتح بيبان
وكل يوم
بنزيل سدد
وكل يوم
يطلع بنا
وكل يوم
ينزل هدد
وكل يوم
نحبل غنا
وكل يوم
نولد مدد
احنا كده لازم نكون
جوا السجون
برا السجون
محلا القصايد
في الشدايد والغنا
محلا العيدان الخضر
في الربع الخراب
احنا اللي تهنا ع الطريق
من بعضنا
متجمعين
بنخط صفحه في الكتاب
ملعونه قامه تنحني بالقهر
من حاكم .. وخان
ملعونه كلمه تنتني في الحلق
تهرب م اللسان
ملعونه ساعه تنحسب م العمر
يطويها الخنوع
ملعونه لقمه مغمسه بالذل
ملعونه الجبان
آه يا رفاقه
ياللي عملتوا الصلابه للحجر
بانده لكم
وسط الكآبه
والرتابه .. والضجر

يا مقربين الفجر
نوره ومطلعه
مدوا المسامع
في المجامع
واسمعوا
صرخة مغني الحي من جوف العدم
اتجمعوا
اتجمعوا
اتجمعوا


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:35 am

بابلو نيرودا
شيلي البارود
حطي الوعود
والتعليلات
في المهملات
سفحوا الورود
من ع الخدود
والخضره
من قلب البنات

فين الأمان
جنب الغيلان
يا ملفقين
عصر التبات ؟

لا الجرح بات
ولا إتنسي
ولا التاريخ
والذكريات
سيدنا الحسين
اسبارتاكوس
الليندي
لوركا
عب رحيم
فلاح بلدنا اللي انشوى
قبل القيامه
في جحيم
سينا الطعينه المزمنه
ارنستو
جيفارا العظيم
خميس وبقري
والشفيع
أدهم
ومواله القديم
قطب الرجال اللي ابتلي
لما تلا الذكر الحكيم
عقد العقيق اللي اتبدر
من عهد سقراط الحكيم
زاد النهارده
وانتظم
بالدره والفص اليتيم
نيرودا
زمار الصباح
نيرودا
مزمار النسيم

صابحه الصبيه
" سانتياجو "
تشرب لبنها من غناك
اتروعوا العصافير
وهاجوا
لما نعيت البوم
نعاك
وانت الشهيد
ملو البراح
جراح تعود المجروحين
ساعتين تشاور
ع الجراح
ينشد ضهر المطعونين
تتمدد إيدهم ع السلاح
وبعزم ما في الموجوعين
تطعن في شريان الطاعون
تجهز
على الداء الدفين
الشمس تطلع بالصباح
ترمي الصباح
على كل الإبد
حاضنه البنادق والجراح
بإيد وعافقه الناي
بإيد
والشمس تطلع في النهار
فوق كل قصر
وكل بيد
والشمس تسقط
في الغروب
عن بابلوا نيرودا .. الشهيد

دواره بتعدي السنين
يا أرضنا
يا ام البنين
دواره بتعدي اللي فات
يا أرضنا يا ام البنات
كروب
حروب
محن شعوب
كلاب
عذاب
ضباب
غروب
بروق
رعود
شروق
صعود
نضال
سجال حرام
حلال
والعدل .. كان
في كل آن
هو القضية
والرهان
والارض عاشت من زمان مسرح لفرسان الميدان
سيدنا الحسين
اسبارتاكوس
جيفارا
لوركا
عب رحيم
نيرودا زمار الصباح
نيرودا
مزمار النسيم


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:37 am


--------------------------------------------------------------------------------

عطشان .. يا صبايا
عطشان يا صبايا
وانا عاشق .. ع السبيل
عطشان
والميه ف بلدي
على عكس ما يجري النيل
والنخل العالي مطاطي
والجذع الواطي
ذليل
والريح العاكس
كابس
والريح العاطي
بخيل
والنسمه اتعكر لونها
من هم الناس
يا خليل
عطشان والنيل في بلدي
والزرع اخضر
وجميل
وانا كنت امبارح خالي
واليوم دا
صبحت عليل
عطشان ودوايا حبيبي
يسقيني العشق دليل
ودليل الحب .. عمايل
وكلام الحب جميل
وانا كل ما أقول التوبه
تغويني .. المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها
جيل ورا جيل
ع الشوك
نفرد خطاوينا
في الليل
تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع
نهر النيل
وان لاموا علينا
يلوموا
ما لهمش علينا سبيل
ما هو شوك العشق
ملامه
والشوك
في الورد أصيل
ودوني ع السبيل
ودوني ع السبيل


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:40 am

الشاعر الأكره
أنا الأديب لما أتكلم ما باخليشى
لأني جاهل
وفاجومي
ومخ مفيشي
وأي تغيير في حياتي
ميتعبنيشي
وأنا اللي قولي على نويى
مش من بره
وأبدأ كلامي عن الأشعار
واللي زانوها
بيرم وخيرى
وكل الناس اللي صانوها
أما الكلاب عند الجواسيس
واللي خانوها
فدول كلاب
وما مبنذكروش هنا بالمره
الله الله يابدوي
هنا بالمره
***
ياعم بيرم وحياتك
واللي أماتك
وخلا الناس مآبين
عايشيين على مقالاتك
وواد مباحث يتطاول
على مقاماتك
لاجعل الشعرا الأندال
مسخه وعبره
الله الله يابدوى
هنا بالمرة
***
فى كل مولد ياشويعر
لفلفت حزام
ورقصت تبع المزيكة
وكنست مقام
وصاحبت كل الألاتية
ومشيت خدام
لكل عالمة وشبشبها
حسب الأجرة
***
حرباية يابن الحرامية
مية المية
على كل لون جاهز تركب
ع التسقية
أما انت مالح ومزبط
وابن غبية
وحصانك اللي راهنت عليه
يخسر بكره
الله الله يابدوى
يخسر بكره
***
الطبل غير الشعر يا واد
ماتهبلشي
وأى شخص يكون شاعر
مايطبلشي
ياتقول كلامك جواك
يا متقبلشي
ملعون ابوك طالع نازل
شاعر أكره


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:41 am

فات الهوى
فات الهوى سلم علي
بات السهر ساكن عنيه
عاد الهوى بين يوم وليله
وإحنا سوا يا نور عنيه
فات الهوى
آه يا أسمراني
لحظه ما فات لحظك
ناداني
عاد الهوى قام التقاني
زى الهوى
قلبي ف إيديا
فات الهوى
يا واد يا خمري
سلم
وأنا سلمت أمري
عاد الهوى بالشوق يا عمري
يملا السهر والنوم عليّ
فات الهوى
آه يابن عمي
زى الهوا شعلل فى دمي
وأما شكيت الوجد لآمي
ضحكت
وباستني ف عنيه


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:43 am

هو شي منه
يادي العجب يا رجب
يا مرتب الحكايات
إسمع وشوف وإندهش
وأكتبها فى الكتبات
عسى الكلام ينقري
لو قلبوا الصفحات
خلي الشعوب والدول
تتعلم البطولات
الحزن طول عمرنا
له من حياتنا حياه
نقضيها فى النهنهه
ونضيع إلآوقات
نبكي على اللي مضى
ونعيش مع اللي فات


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:44 am

سايجون
أبجد هوز
حطي كلمن
إفتح صفحه
إمسك قلمن
إكتب زي
الناس ما بتنطق
سقطت سايجون
رفعوا العلمن
طلعت شمس اليوم دا
أغاني
كل ما نسمع
نعشق تاني
طلعت شمس اليوم دا
حريقه
تشفي الجرح
وتبري الألمن

سايجون عادت للثوار
فوق الدم
وتحت النار
جدوا فوجدوا
زرعوا
فحصدوا
وإحنا إدينا للسمسار
وإللي قالوه السمسارجيه
وإللي حكاه السمساردار
لما قروه القروانجيه
بالمستعدل والمندار
هتش ونتش
بعزم الصوت
عن أمريكا وهوا أمريكا
زعموا الفانتوم
شايل موت
سقط الموت بعلم أمريكا
جاتكو فضيحه
يا طبقه سطحيه
وعامله فصيحه
وجايبه العار
قراونجيه
وكتبنجيه
وسمسارجيه
وسمساردار

سايجون دره يا ثوار
عادت حره
للأحرار
داحنا حنشبع بكره أغاني
إسمع وحفظ يا كتباني
واثبت عندك فى الأوراق
مصر بتنضح بالأشواق
مصر عروسه
وبكره عريس
والعشاق إحنا العشاق
فينا وبينا ولينا الثوره
إحنا الثوره
وهي الناس
فينا الماضي
وبينا الحاضر
والمستقبل
هو الناس


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:46 am

عنيكي
وعنيكي سكة سفر
في الصحرا .. والواحه
والشوق .. ودنيا السهر
لانوم .. ولا راحه
ولا الرموش السود
بينادوا ع الموعود
وانا اللي خدني الغزل
ع الجنه طوالي
وشربت نهر العسل
وغزلت موالي
وسهرت فيكي الليل
والناس تقول يا ليل

ورجعت سكة سفر
في الصحرا .. والواحه
في عنيكي

وانا باقول يا ليل
ولكل عاشق ليل
يا جنه الملتقي
مين فات سأل عنا
ومين عطف بعدنا
ع الورد .. يا جنه
من لحظه كنا سوا
والعشق كا تباريح
ورجعت سكة سفر
في الصحرا .. والواحه
في عنيكي


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:46 am

أبو العلا 90 الخاتمة
سيبه سيبه سيبه
خليه ياخد نصيبه
دا واحد عصر حجري
وشايل قلب غجري
لو هو قطر مجري
بكره الجنان يصيبه
ويخرج عن قضيبه
وراك وراك ياشاطر
يا ملخبط المسائل
يا مقدم الأواخر
ومأخر الأوائل

إسمك ؟ ما اعرفش اسمك
ولا حتي شفت رسمك
ولا تخليت انا حمار واستاهل ضرب الشبشب
بعيده من قريبه
لكن لازح اجيبه
وراك وراك يا غاوي
تتسلى بالمواجع
وتشرب القهاوي
بمناسبة الفواجع

شرك شعلل شرارك
وحرق جارك ودارك
وان كان على قرارك
لو حتى فين ح اجيبه
ومش ممكن ح اسيبه


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:47 am

مٌر الكلام
مٌر الكلام
زي الحسام
يقطع مكان ما يمر
اما المديح سهل ومريح
يخدع صحيح ويغٌر
والكلمة دين
من غير إيدين
بس الوفا
ع الحر



[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:49 am

النيل عطشان
النيل عطشان يا صبايا
للحب والحنين
والشط
لانور
ولا نسمه
ولا ناي
ولا عود يا سمين
****
يا شاهنده وخبرينا
يا ام الصوت الحزين
يا ام العيون جناين
يرمح فيها الهجين
ايش لون سجن القناطر
ايش لون السجانين
ايش لون الصحبه معاكي
نّوار البساتين
كلك محابيس يا بلدنا
وهدومك
زنازين
وغيطانك الوسايع
ضاقت ع الفلاحين
والدخان في المداخن
لون هم الشغالين
***
يا بنات النيل يا سبايا
ف حبال الجلادين
ما بقاش في زمانكم عنتر
لكن فيه الملايين
فارس محسوب الخطوه
يتحرك بالقوانين
لحظة ما تحين الساعة
يركب ضهر التنين
ويحطم الحواجز
ويفك المساجين


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:50 am

een[color="green"]"]ديستان
فاليري جيسكار ديستان
والست بتاعة كمان
حيجيب الديب من ديله
ويشبع كل جعان
يا سلاملم يا جدعان
ع الناس الجنتلمان
داحنا حنتمنجة واصل
وحتبقى العيشة جنان
التليفزيون حيلون
والجمعيات تتكون
والعربيات حتمون
بدل البنزين
بارفان
وحتحصل نهضة عظيمة
وحيبقى علينا القيمة
فى المرسح او في السيما
او ف جنينة الحيوان
وحتبقى الاشيا زلابية
ولا حوجة لسوريا وليبيا
وحنعمل وحده ارابيا
مع لندن والفاتيكان
والفقرا حياكلوا بطاطا
وحيمشوا بكل الاطة
وبدال ما يسموا شلاطة
حيسموا عيالهم
جان
واد بفضل صديكي
ديستان الرومانتيكي
ولا حدش فيكو شريكي
فى المسكن
والدكان


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:51 am

تاجر
تاجر نزل سوق
شاف غزاله
مع الدلال
قرب يدوق العسل
نهر الدموع شلال
شرب عديم التنا
من دمعنا المسفوح
زاد فى السعار والغنا
من خسه الدلال
اخص
اخص
اخص .. على كده


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:52 am

حرب الشعب
ماتقولليش
ماتعدليش
حرب الشعب وغيرها مافيش
حاس يامصاروه
حاس ياولاد
حاس يامداين
حاس يابلاد
حسنا ياناسنا وداسنا الغول
عض بلدنا
عرض وطول
ماتقولليش الجيش مسؤل
جيش من غير شعب
مايمشيش



[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:53 am

الشيخ عاشور
سلام مربع يا بلد
للشيخ عاشور
قلب الاسد
سلام يا واد
على دا ودا
لو دسته منه
فى البلد
ما كانش كان
كل اللي كان
ولا كان دا حالك يا بلد
مدد يا شيخ عاشور
مدد
مدد يا شيخ عاشور مدد


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
احمد المخلص
غــرامي ممــيــز
غــرامي ممــيــز
احمد المخلص

ذكر
الميزان
عددالمساهمات : 290
العمر : 35
مـــصـــر
تاريخ التسجيل : 26/01/2008

احمد فؤاد نجم - صفحة 2 Empty
مُساهمةموضوع: رد: احمد فؤاد نجم   احمد فؤاد نجم - صفحة 2 Emptyالجمعة 10 أغسطس 2012, 7:54 am

دعوة
يا خالقنا وعالم بلاوينا
يا رازقنا
وحاسب خطاوينا
نسأل فضلك
من إحسانك
يظهر عدلك
وبسلطانك
يطلع فلاح من وسطينا
يزعط أفندينا
وحرامينا
القاهره / 1986


[وحدهم المديرون لديهم صلاحيات معاينة هذه الصورة]
الرجوع الى أعلى الصفحة اذهب الى الأسفل
 
احمد فؤاد نجم
الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات غرام - منتديات غرام مصر -منتديات احلى غرام - دردشه كتابيه :: .•:*¨`*:•. ][ منتدى الأغانى والأفلام والفنانين][.•:*¨`*:•. :: كلمات الاغانى العربيه-
انتقل الى: