فى ظل الاوضاعالحاليه.... ومجاراة لعصور القنوات الفضائية كان لنا الحوار التالى مع احد المساطيل من احدى الغرز على ناصية الشارع..........
وبدانا الاسئله
وكان اول سوال للمحاور بصفتك واحد من المواطنين المحبين والمضحين من اجل البلد........ كيف ترى مستقبله..
المسطول...... اكيد هيكون لوز واخر بهججة والناس هتكون فوووووووووق وطايرة واخر سعادة
المحاور! فى رايك..... ما هى افضل الاساليب والطرق اللازمة لحل كل المشاكل التالية
البطالة....... المسطول.. اننا نموت الشباب الجديد الصاعد اللى عايز يشتغل من دلوقت قبل ما يموت هو من الحسرة.. او يفكر انه يفجر نفسة...... وبكده يكون عندنا وظائف خاليه للجيل اللى بعديه
تلوث الميه..........
دى بقا حلها سهل جدا .... الميه المعدنيه فى كل مكان ولا احنا غاويين صنع مشاكل وخلاص
رغيف العيش.........
اعتقد ان لغايه دلوقتى وحتى هذه اللحظة انه فى متناول الجميع ومدعم لكل الناس ويعنى لو كان شاحح شوية فى البلد فالبديل موجود ....... البسكوت حلو وجميل وفى منه كمان بلشيكولاته......... وموجود فى كل مكان العيب فى الناس اللى مش عايزة تفكر فى حلول مشاكلها
الصرف الصحى............
نلغى حاجة اسمها حمامات دى خالص ويتوفر لكل مواطن اكياس بلا ستكية يقضى فيها حاجته وهو ممكن يكون استثمار للفضلات
التعليم.........
دى بقى اهم حاجة لازم نعالجها بجد لان التعليم هو اللى بيربى النشء للمستقبل وبيصنع الاجيال..... بس اهم حاجة لازم نعلمها لولادنا امشى جنب الحيط وخليك فى حالك احسن لك وان شفت الغلط غمض عينك ومتتكلمش
ارتفاع الاسعار...........
ممكن نحلها بخفض الاجور لكل فئات الشعب .... وهنا الناس مش هتعرف تشترى حاجة والتجار مش هيبيعوا تحصل حالة كساد اكتر ... هيضطر التجار يخفضوا ثمن السلع باقل من ثمنها الحقيقى......... وتبقى كل حاجة ببلاش
واخيرا .......فى ناس عماله تتكلم وتقول ان كل حلجة دلوقت بتغلى وبيرتفع ثمنها ...... ماعدا الانسان بس هو اللى بيرخص......... ايه رد حضرتك
المسطول.......اه لما الناس تفوق بجد وترفض تتعامل على انها حيوانات وعلى الاقل يتعاملوا بينهم وبين بعض على انهم بنى ادمين وكل واحد يعرف حقوقه وواجباته..........
المحاور ........ بس بس بس ستوب انت بتقول ايه .... انت جاى تفوق دلوقت...... فاصل ونعود مع مسطول تانى من غرزة تانية فى حته تانية
((ـأهـ‘ـلأأ ومـ‘ـرٍحـ‘ـبـ‘ـا بـ‘ـكـ‘ـم فـ‘ـي مـ‘ـنـ‘ـتـ‘ـدي ))((غـ‘ـرٍـأم))(( نـ‘ـتـ‘ـمـ‘ـانـ‘ـا الـ‘ـيـ‘ـكـ‘ـم اجـ‘ـمـ‘ـل الاوٍقـ‘ـات)) 
